- monstre
- I.Monstre, penac. Tantost est masculin procedant de ce vocable Latin Monstrum, et signifie une chose forvoyant du commun en figure ou autre chose qui est de son naturel, et vient tant le Latin que le François du verbe Latin Monstro, tout ainsi que Ostentum de Ostendo. Mais le François ne retient pas en ce l'energie dudit mot Latin, et en use pour ce qui est contre la nature, Cic. lib. 2. de diuinat. Vlpian. l. Ostentum. ff. de verb. et rer. signific. Et tantost est feminin, et la lettre s ne s'y prononce point, et signifie en general ce qui endite et monstre quelque chose. Ainsi lon dit la monstre d'un drap, la teste d'iceluy par laquelle on monstre quel est le reste de la piece, Panni indicium, Spectamen, Specimen, La monstre d'un horologe, la main de fer qui par engins va par dehors tournant sur le cercle marqué de 24. heures compassées par heures et demies, Manus horarum indicatrix, Horarius index, Et consequemment Monstre est aussi appelé l'horologe qui ne sonne, ains marque sans plus les heures par une fleche de quelque metal que ce soit tournée par ressorts. La monstre d'un maquignon de chevaux, le lieu où le maquinon monstre les chevaux qu'il vend pour en faire voir le pas, l'amble, le trot, le galop, la course, l'eslans et le sault à qui les veut acheter. Et est tel lieu dit Monstre par metonymie, pour la monstrée du corsage, de la taille, et de ce que l'acheteur desire voir d'un cheval qu'il veut avoir. Mais quand on dit faire la monstre d'une compagnie de gens de guerre, soyent de cheval, soyent de pied, c'est mettre en evidence ladite compagnie en deu equippage militaire, Instructos milites aut equites coram exhibere, repraesentare illis ad quos ea res pertinet, Et parce que lors à ceux qui ne sont cassez, pour estre tels et en tel arroy qu'il est requis, on paye la soulde, on dit aussi faire monstre pour recevoir la soulde, Stipendium accipere, Et est tel mot donné à ceste veuë, par ce que le Capitaine de telle compagnie monstre à l'oeil à celuy ou ceux qu'il appartient de le voir, le garbe et contenance, l'equippage et assortissement d'armes et de chevaux de ceux dont il est conducteur, Lustrum aut lustratio militum aut equitum. On dit aussi Monstre pour la contenance exterieure d'une personne, Species, Ainsi lon dit il fait ou il a belle monstre, Egregia specie vir, La raison de ce est parce que de la contenance on presume le courage et l'interieur, Cic. Philip. 1. Ainsi lon dit aussi d'une ville ou autre lieu, qu'elle fait belle monstre de loing, Procul se specie egregia ostentat.Il laissa quelques pavillons dressez au camp pour seulement faire monstre d'armée y logée, Pauca tabernacula in castrorum speciem reliquit, Liu. lib. 22.De plus grande monstre que de valeur, Non tam solido quam splendido nomine.Pour faire monstre, In speciem, B. ex Liuio.Fortune fait monstre de son pouvoir, et desploye sa puissance, Opes suas fortuna exerit.Se servir de quelque chose pour monstre, Ad speciem vti re aliqua.La monstre de dehors de ceste vie, Species huius vitae.II.Faire la monstre d'une armée, Lustrare vel Recensere exercitum, Faire la monstre de la gendarmerie, Turmas equitum recognoscere, Lustrare, Caesar. lib. 8. bell. Gall.La monstre, Transuectio, B.Recevoir à la monstre, Nomen accipere.Dressé et fait ou habitué à faire grande monstre de soy, Compositus in ostentationem.Chose de monstre et enseignes qu'on portoit à la pompe et ordre d'un triomphe, comme representation des villes prinses, ou autres choses semblables, Ferculum.
Thresor de la langue françoyse. Jean Nicot.
